Memoria da Vida

Moris, loron troka malu hanoin viajen ne'ebé naruk. Fatin, ita hasoru malu, tempu to'o tenke husik. Agradese, fahe ksolok ba malu, aprende atu buras hamutuk. Loron to'o, husik malu, maibé iha fuan nafatin hamutuk. Mai ita la'o hateke ba oin, lori naha futuru iha ita oin. Obrigadu ba hotu, ba buat hotu. Nafatin ida de'it iha buat hotu. hamnasa no tanis hakores fuan, memoria aprende nunka lakon,  eziste  nafatin  iha fuan istória 'ksolok' ne'ebé la lakon. ©2024 by Crisogno Soares Freitas Pereira

(Ilustrasaun ne'e foti hosi  https://www.facebook.com/pages/category/Community/My-Mom-is-the-Best-Mom-in-the-World-192625210782975/ ) Feto fuan boot, hanoin la kloot. Feto kuidadu tasi ho ikan, hamutuk rikusoin hotu iha nia bikan. Nia moos lahó fulun, fuuk kabeer morin iha ulun. Nia matenek! Ko'us ema barak hanesan rai-henek. Nia iha forsa kesi tali, ne'ebé nunka kore fali. Nia forsa nafatin iha nia sorin, ne'ebé akompaña ho anin fresku ne'ebé fó morin.     Feto, ema hotu nia inan, ko'us ema tinan-tinan. Hamrik metin ho nia ain, hanesan labadain. Nia hanoin luan, nu'udar hatudu iha nia fuan. Servisu la kolen hanesan karau, hamrik metin hanesan au. Fó roman nu'udar fitun, ne'ebé la'ós ida-ne'ebé ikun. Nia hamnasa midar hanesan banin-been, ne'ebé hanorin oan sira la sai tanis-teen. Husi Crisogno Soares Freitas Pereira 'Cris' Poezia ne'e hakerek bainhir...